Fjármálaþekking
á formi hugbúnaðar.
Five Degrees er leiðandi í smíði hugbúnaðar fyrir íslenskan fjármálamarkað. Okkar helstu vörur, Matrix Loan og Matrix Securities, eru í notkun hjá flestum fyrirtækjum og stofnunum á íslenskum fjármálamarkaði.
Leiðandi hugbúnaðarfyrirtæki á fjármálamarkaði
Hjá Five Degrees á Íslandi starfar vel menntað starfsfólk sem er sérhæft í fjármálahugbúnaði.
Við erum gríðarlega samhentur hópur sem oft hefur lyft grettistaki fyrir viðskiptavini okkar og hafa kerfin okkar verið í stöðugri þróun frá árinu 1996 í nánu samstarfi við fjármálamarkaðinn á Íslandi. Vörur okkar eru í notkun hjá flestum fyrirtækjum og stofnunum á íslenskum fjármálamarkaði. Við hvetjum þig til að hafa samband við okkur því við tökum vel á móti þér.
Alhliða fjármála hugbúnaðarlausnir
Fyrsta verkefnið okkar var verðbréfasjóðakerfi fyrir Búnaðarbankann Verðbréf árið 1996.
Kerfið óx og dafnaði og er í dag bakvinnslu-, vörslu- og eignarstýringarkerfið, Matrix Securities, sem nær allir aðilar á íslenska verðbréfamarkaðinum nota við sín daglegu störf.
Árið 2002 hófum við hönnun á lánaumsýslukerfinu Matrix Loan sem náði fljótt útbreiðslu á markaðinum og hefur fest sig í sessi hjá fjölda viðskiptavina okkar.
Þá eru ótalin fjöldi verkefna í gegnum árin sem ýmist hafa endað í viðbótareiningum við okkar megin kerfi, eða sem sérverkefni fyrir okkar viðskiptavini, s.s. á sviði útreikninga, ferlaumbóta eða fjöldavinnslu.
Fjármálahugbúnaður fyrir íslenskan markað
Matrix Securities og Matrix Loan eru þróuð sérstaklega fyrir íslenskan fjármálamarkað. Innbyggðir ferlar, séríslenskar lausnir og fjölbreyttar kerfiseiningar taka mið af þörfum markaðarins eftir margra ára notkun.
matrix securities
Ferli verðbréfaviðskipta frá viðskiptum til uppgjörs, sjóðaumsýsla og rekstur verðbréfasafna.
Matrix Securities samanstendur af nokkrum kerfiseiningum sem styðja frágang viðskipta, greiðslur, eignaskipti, samskipti við fjárhagskerfi, eignaumsýsla, verðmat, fyrirtækjaaðgerðir, upplýsingagjöf og stuðning við fjárfestingarákvarðanir.
Helstu styrkleikar kerfisins eru innbyggðir ferlar sem notaðir hafa verið á Íslandi til fjölda ára. Nær allar helstu fjármálastofnanir landsins nota Matrix Securities.
matrix loan
Sveigjanlegt fjölmynta lánaumsýslukerfi með öfluga upplýsingagjöf.
Matrix Loan heldur utan um lántökur og lánveitingar og þriðja aðila umsýslu á skuldabréfum. Kerfið er hannað fyrir íslenskan markað og ræður við séríslenskar þarfir og úrræði og styður fjölda lánaafbrigða.
Helstu styrkleikar kerfisins eru sveigjanleiki, ferlar við skráningu og afgreiðslu lána svo og innheimtuferli og upplýsingagjöf. Matrix Loan hefur sterka stöðu á innlendum lánamarkaði og yfir 200.000 lán eru meðhöndluð í kerfum viðskiptavina okkar.
Frá upphafi til dagsins í dag
- 1996
Við byrjuðum sem hluti af TölvuMyndum.
- 2001
Félagið fékk nafnið Libra og varð sjálfstætt dótturfélag í eigu TölvuMynda, síðar TM-Software.
- 2006
TM-Software seldi Libra til norrænu kauphallarinnar OMX. Við fengum þá nafnið OMX Technology á Íslandi, síðar OMX Banks and Brokers á Íslandi og loks OMX Broker Services á Íslandi.
- 2008
Nasdaq Kauphöllin í New York og OMX sameinuðust og fengum við þá nafnið Nasdaq OMX Broker Services á Íslandi.
- 2009
Nasdaq OMX seldi okkur til innlendra fjárfesta og tókum við aftur upp nafnið Libra.
- 2018
Libra var selt til íslenska-hollenska fjártæknifyrirtækisins Five Degrees sem sérhæfir sig í hugbúnaðarlausnum fyrir banka og fjármálafyrirtæki. Í kjölfarið tók við sameining beggja félaga.
- 2023
Hollenska fyrirtækið Topicus keypti Five Degrees. Topicus er móðurfélag Total Specific Solutions (TSS). Eftir kaupin var Five Degrees skipt upp í tvær einingar þar sem starfsemin sem snýr að erlendum viðskiptavinum Five Degrees rann undir Topicus á meðan starfsemin fyrir íslensku viðskiptavinina fór undir TSS.
- 2025
Ingvar Vilhjálmsson ráðinn inn sem nýr framkvæmdastjóri.
- 2026
Five Degrees hlýtur ISO/IEC 27001:2022 vottun fyrir stjórnkerfi upplýsingaöryggis.
